Fundación Ciclismo Galego

Novas

ESTIVO ESCAPADO ATA CINCO QUILÓMETROS DE META NUN CUARTETO

03/09/2010»

Vladimir Isaychev (Xacobeo Galicia) encabezou a rebelión dos modestos

O ciclista do Xacobeo Galicia Vladimir Isaychev encabezou a rebelión dos modestos, nunha acción que secundaron outros tres valentes: Montenegro (Andalucía-Cajasur), Pedersen (Footon) e Roels (Milram), na sétima etapa da Volta a España, de 187,1 quilómetros entre Murcia e Orihuela. Os equipos dos sprinters tiveron que conxurarse para botar finalmente a baixo a escapada en busca dun sprint masivo, que deu a Alessandro Petacchi (Lampre) a súa vixésima vitoria de etapa na Volta a España. Non hai cambios na xeneral, que segue comandando Gilbert (Omega-Lotto); e o ciclista de O Rosal Serafín Martínez acumula xa cinco días como líder da montaña.

Entrar

O XACOBEO GALICIA XA TEN FIXO AO LUSO NELSON OLIVEIRA

03/09/2010»

Gustavo C. Veloso e David García preseleccionados para o Mundial de Australia

Os ciclistas do Xacobeo Galicia Gustavo C. Veloso e David García foron incluídos na preselección de vinte e un corredores feita pública polo seleccionador español José Luís De Santos para o Mundial de estrada que se disputará en Australia o último fin de semana de setembro. O equipo profesional galego podería estar representado por tres corredores, porque o portugués Nelson Oliveira xa é fixo na selección do seu país.

Entrar

MURCIA - ORIHUELA: 187,1 QUILÓMETROS

03/09/2010»

A lei dos sprinters noutra xornada de aproximación aos campos de batalla

Outra xornada de aproximación aos escenarios de gran batalla, previstos para o sábado e o domingo. Estas son etapas de avance, non concibidas para a gloria, ou para unha gloria escasa no caso dos que teñen as súas ambicións postas na vitoria absoluta. En cambio pode enterrar opcións ao mínimo descoido ou infortunio. Requiren, xa que logo, concentración. Despois do de onte, que o pelotón deixou marchar a escapada case ao primeiro intento, non hai motivo para pensar que nesta sétima etapa haxa labazadas por entrar na fuga, sabendo que a teñen marcada os sprinters no seu bloc de notas. A cuestión é saber se Cavendish será capaz de aproveitar a terceira oportunidade que se lle presenta.

La etapa ON LINE

Fotos etapa 5

Fotos etapa 6

Entrar