Novas

O EQUIPO GALEGO GAÑOU EN 2008 ESTA PROBA CON VELOSO

O Xacobeo Galicia regresa á Volta a Cataluña tras a súa ausencia en 2009

[ 04/03/2010 ] O Xacobeo Galicia estará na noventa edición da Volta a Cataluña que se adianta este ano ao mes de marzo, para disputarse entre os días 22 e 28, en sete etapas. O equipo galego forma parte dunha relación de vinte e dúas formacións, as dezaoito de categoría Pro Tour e catro profesionais continentais, nivel no que se encadra o equipo profesional galego.

A rolda catalá iníciase cunha etapa contrarreloxo en Lloret de Mar e o equipo Xacobeo Galicia, tras a súa ausencia en 2009, volverá a esta carreira co seu líder, Ezequiel Mosquera, á fronte, logo de habela gañado xa en 2008 con Gustavo C. Veloso.

A Volta a Cataluña é un dos catro eventos ciclistas a nivel español que se inclúen dentro do calendario Mundial, xunto a Volta ao País Vasco, Clásica de San Sebastián e Volta a España.