Visita a nosa canle en YouTube
Visita a nosa páxina en Facebook
Ver colaboradores
Versión en español
Visita a nosa canle en YouTube
Visita a nosa páxina en Facebook
Ver colaboradores
Versión en español
08/09/2010» O ciclista do Xacobeo Galicia Ezequiel Mosquera realizou outra memorable actuación para acabar segundo na undécima etapa da Volta a España, con final na cima pirenaica de Pal (Andorra). Segundo como fai dous anos, cando baixo un diluvio desfíxose de todos os seus adversarios: Contador, Sastre, Valderde, Joaquim Rodríguez, Gesink, Antón…, pero, por diante, lograra sobrevivir milagrosamente dunha fuga Alessandro Ballan.
08/09/2010» A Volta cambia de escenarios e de ambientes. Pásase de subidas curtas e explosivas a unha prolongada, con final en Andorra, e da calor a temperaturas máis frescas de alta montaña. Ocorrerá no transcurso da décima etapa, que vai de Vilanova i La Geltrú ata Andorra, nun percorrido de 208,4 quilómetros. O Xacobeo Galicia, como veu ocorrendo en todas as etapas selectivas, terá dous obxectivos: mellorar posicións na xeral con Ezequiel Mosquera e, ao mesmo tempo, facer unha aposta polo triunfo de etapa.
07/09/2010» A Volta a España deparou outra interesante e atractiva xornada de ciclismo na súa décima etapa, a través dun percorrido de 157,7 quilómetros entre Tarragona e Vilanova i La Geltrú. O Xacobeo Galicia asumiu responsabilidades no momento máis transcendente da xornada (aproximación e subida ao col do Rat Penat), con maneiras de equipo grande, aínda que a vitoria saíu dunha fuga que ía por diante, con Imanol Erviti (Caisse D´Epargne) como gran vencedor.
07/09/2010» A décima etapa chega tras o primeiro día de descanso para cubrir un itinerario de 175,7 quilómetros entre Tarragona e Vilanova i La Geltrú. O seu perfil inclúe un só porto, aínda que de primeira categoría e situado uns trinta quilómetros de meta, coa suficiente entidade como para que non o pasen na cabeza os sprinters e para expor unha forte batalla. Esta circunstancia permite máis opcións de fuga, porque serán menos os equipos decididos a controlar. Non estamos ante unha xornada descomunal de montaña despois do día de descanso, como se presentaron noutras ocasións, pero pode facer moito dano o seu percorrido na parte final. O que é seguro é que proporcionará un bonito espectáculo, no que quere ter protagonismo o Xacobeo Galicia.
06/09/2010» O ciclista do Xacobeo Galicia Nelson Oliveira ocupa o oitavo posto na xeral do Tour do Porvir, tras a disputa do prólogo e a primeira etapa en liña. O corredor portugués está a 27 segundos do estadounidense Phinney. Esta proba córrese por seleccións e reúne á máis completa representación de ciclistas sub 23 a nivel mundial. O Tour do Porvir consta dun prólogo e sete etapas. A segunda irá de Saint-Amand a Montrond a través dun percorrido de 150,5 quilómetros.
06/09/2010» A Volta chegou ao seu primeiro día de descanso coa clasificación moi aberta, ata o punto de que os dous primeiros da xeral seguen igualados a tempos, como antes de empezar a proba. A sensación é que a carreira, cando se achega ao seu ecuador, non ten aínda un dono previsible. Todo está moi incerto, moi no aire, e iso engádelle interese á competición.
05/09/2010» O Xacobeo Galicia volveu ao ataque na dura novena etapa da Volta a España, con Gonzalo Rabuñal cabeza de carreira en solitario ao distanciarse dun grupo de quince escapados, para ser alcanzado novamente e acabar cruzando a liña de chegada en oitava posición. A vitoria de etapa foi para David López (Caisse D´Epargne), integrante da fuga. Todos os favoritos entraron no pelotón principal, a máis de sete minutos, e Igor Antón (Euskaltel) segue de líder.
Entrar
05/09/2010» Segunda etapa semi-montañosa ou de media montaña. A pesar dos seus sete portos -catro de segunda categoría e tres de terceira- en teoría preséntase menos determinante que a de Xorret del Catí. As opcións de éxito para a escapada son moitas, polo que se presume unha loita intensa por entrar no corte, a non ser que o pelotón se manexe con astucia e deixe marchar unha de conveniencia, aproveitando que os primeiros cincuenta quilómetros son os máis accesibles dun percorrido de 187,7. Serafín Martínez terá, entre outros obxectivos, saír a defender a camisola de montaña. O competidor que lle saíu tras a oitava etapa, Moncoutie (Cofidis), é un rival de moita consideración, como acredita o seu gran palmarés. Pero ese será un estímulo máis para o ciclista do Rosal. O Xacobeo Galicia, no seu conxunto, está decidido a contribuír a outra gran xornada de ciclismo.
04/09/2010» Álvaro Pino, manager-director deportivo do Xacobeo Galicia, fai un balance positivo da actuación dos seus corredores na oitava etapa, pero sen querer extraer aínda conclusións determinantes.
Entrar
04/09/2010» O Xacobeo Galicia brillou con luz propia na primeira etapa de montaña da Volta, con Serafín Martínez lanzado á defensa do reinado da montaña e un excelente segundo posto na meta de Xorret do Catí, escenario o ano pasado do triunfo de etapa de Gustavo C. Veloso; coa vitoria, ademais, por equipos na xornada e Ezequiel Mosquera escalando tres posicións para situarse sétimo na xeral.
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | Seguintes
© Fundación Ciclismo Galego
Aviso legal | Accesibilidade | Contacto | Mapa web
RSS: Novas Axenda | Que é o RSS?